((انا تزوجت .... ورقمي تغير ))

[بو روان]

((انا تزوجت .... ورقمي تغير ))




أنابتزوج لازم أغير رقمي !!!

واقع وحال كثير من البنات إذا قاربو على الزواج والدخول في عالم الزوجيه..



مثال1


نوف : بناااااااات ترا غيرت رقمي ..
ملاك: ليش ؟

نوف : تدرين بتزوج لازم أكشخ !! ؟؟

ملاك : انزين يعني ما تكشخين إلا إذا غيرتي رقمج ؟
نوف : يووووه شو عرفج بهالسوالف .


كل ما تغير وحده رقم تلفونها أول ما يخطر على بالي وبال اي شخص ---> انها بتترك العزوبيه وبتروح لعالم الزوجيه وتمحي ما مضى لها واهمها رقمها


بس ليش تغير رقمها؟؟ وبذات في هذه الفتره

ولنفرض إنها كانت على علاقه بالجوال فرضاً يعني وعندما حان موعدالزواج غيرت الرقم

بديهياً الناس راح تشك . وقد يسبب لها هذا الشك من المتاعب من قبل الناس مالله به عليم وهنا يأتي السؤال
يعني هل هذا التصرف صحيح؟؟

ودي في تفسير حق هالظاهره لأنها منتشره واااايد بين البنات ..!!
و أبي رأي الطرفين الشباب والبنات

[لحن الرحيل]

اول شي يسلموو عالموضوع الحلو

وصج يستحق النقاش

في البداية هذا يعتمد على تربية البنت

اذا كانت البنت راعية هالسوالف اكيد راح تغير الرقم

وهذا الشي يمكن يكون برايها صح لانها راح ترتبط خلاص وهذا يبين لانها مو واثقة من نفسها

بس بالنسبة لي وبالنسبة للناس اكيد غلط ومصدر شك

بس لو كانت البنت محترمة اكيد ما راح تشوفوها تغير رقمها لانها واثقة من نفسها

عالعموم مو كل البنات نفس الشي بس صج هذا الي نشوفه الغلط بعينه وعلمه

سوري طولت

يعطيك العافية

[ملاك قلبي]

اولا هاي تغير الرقم عشان بتزوج :؟؟؟: طيب وليش حتى الكشخه وصلت لرقم الجوال :ابو ضرس:

طيب بتغيره عشان ليها سوالف قديمة يادافع البلاء الخرابنه خرابنه لو تحطها بدار وتقفل عليها والعدله عدله لو تحطها بوسط رجاجيل هي جت بس على سالفة جوال وبتغير الرقم
بدال ماتغير رقمها تغير نمط حياتها الي تعيشه بلا هدف ويش هالعيشه يادافع البلاء تعرف فلان وعلان وسوالف مسخرة أني استغرب كيف هالبنات يربون جيل ,,,,,,,,,,,والله يستر


هذا يعتمد على تربية البنت

عزيزتي لحن الرحيل مو ضروري على التربيه أني اعرف بنات خوات تربوا سويه وفرق هاي خرابنه وهاي سيف ماعندها سوالف ,,,,,,,,,,الوحده تكون عندها رقابه ذاتيه
وفي يتامى لاام ولااب وتعالي شوفيهم ماشاء الله ,,,,,,,,,,,,,,,,هاي وجهة نظري


أسمحوا لي طولت عليكم
مشكور أخوي طير الجنة على الموضوع ونترقب جديدك دمت بحفظ الباري


تحياتي0000000000ملاك قلبي:قلوب:

[ام علي]

بصراحة انا اشوف تغير الرقم عادي ومافيه مشكلة

وليه يعني نظرة الناس للبنت اذا تزوجت وغيرت الرقم

يعني لها علاقات سابقة

اعتقد انه مافيه اي مشكلة تغير على كيفها

والارقام بلاش

ههههههههههههههههههه
مسوق لشركة الاتصالات

وممكن حتى لو غيرت رقمها ولهاعلاقات سابقة

ممكن تعطيهم الرقم الجديد لو تبي علاقتها معاهم

مشكور أخوي طير الجنة على الموضوع ونترقب جديدك

[بو روان]

أشكركم على هذه الأراء وباب النقاش مفتوح

وانا مثل ما قالة الأخة ملاك قلبي

الخرابنه خرابنه لو تحطها بدار وتقفل عليها والعدله عدله لو تحطها بوسط رجاجيل

بلفعل البنت لزم تكون رقيبة نفسها

[أسيرة الحزن]

هاي اول مره اسمع فيها الي تزوج تغير رقمها ههه

عرفت ناس وايد اتزوجوا و ماغيروا ارقامهم ..

وحتى لو غيروا ارقامهم يمكن ما احط في بالي ..

بس الوحده لي واثقه من نفسها .. ما يحتاج تغير ارقام ولا خرابيط

شكرا اخوي على الموضوع النقاشي ..
أسيرة الحزن

[بو روان]

مثل ما قلتي الثقه مفتاح كل شيء

يسلموووووووووووووو المرور

[بنت مبارك]

السلام عليكم

فعلا موضوع جميل ويستحق النقاش

سالفة تغيير الرقم احسها عادية ,وصح في ناس وايد غيروا ارقامهم عند الاقبال على الزواج بس هذا مايعني على ان هم مو سيده ولا يعتمد على التربية,ولو فرضا كانت بسن المراهقة ولها علاقات بهذا وذاك فما اعتقد ان اهي في هذا السن تكون كفؤ بالزواج لانها بيسبب مشكلة لمستقبلها وحياتها ,لانها متعودة على كذا شخص ومب مستعدة تتعود على شخص واحد وتهتم فيه فبينكشف الامر,ففي هالحالة لازم تعدل نمط حياتها ووترك كل شي وتصير سيده وبعدين تتزوج بدون شكوك

هذا رأيي

وشكرا

[ام علــ love4ever ـــاوي]

اولا ..مشكور اخوي على طرح الموضوع

ثانيا ... سمعت كثير عن بنات غيروا ارقامهم قبل الزواج ..

بس يا اخوي مو معناته انها عندها علاقات قبل يمكن اكو بنات تفكيرهم يكون كذا

واكو بنات تحب التغيير .. واذا غيرت هذا ما يعني انها مو متربية او خربانه .. اذا كانت البنت خربانه غيرت والا ما غيرت بتنفضح من حركاتها .. ولله يكون في عون الجميع

والله يستر على بنات اليوم ... تمنياتي للجميع بالتوفيق

ومشكور على الموضوع القيم ...

تقبل مروري

تحيــــــــــــــــــــــــــاتي

[عذبة الخاطر]

اول شي هي السالفة عادية لو غير الشخص رقمة واني شخصيا مانتبه لها بس فية وايد ناس يتحسسون من هالشي ويفكرون بشياء ثانية

ثاني شي اهم شي الوحدة واثقة من نفسها
فليش تغير رقمها لما تزوج شنو بيتغير؟؟

والا على حسااب الكشخة يازعم هذي وحدة مظاهر واني اول مرة اشوف بعد يغيرون الارقام حق الكشخة يدافع البلا

ومشكور اخوي على الموضوع
تحياتي

[عاشقة اسمر]

ههههههههههههههههههههههههه

صج والله

اني سمعت يغيرون تلفوناتهم من موديل لموديل بس الرقم مادري

واما على العلاقات نفس ما قالوا

الاعوج الاعوج وذنب الجلب عمره ما يعتدل

يالله بحسن الخاتمة